Loch Ness Monster

თავი მძიმდება,
ერთ ყურში მესობა და მეორედან გამოდის
შენი სათამაშო სარი.

თვალდახუჭული ფერიები
გაშეშებული ქარი
და გამორთული მდინარე.
ამათ წინ
ჩემი თავი ცოტა ხნით შევაჩერე
და შემდეგ, დავწვი.


დღეს
ცა ისე დაბლაა,
ავლოკავ.
ენის წვერიდან ამოვა ალი.
და შენ ბნელდები
რადგან, ქვემოთ ხარ
ამოხოხდი და
 დახრილად წადი.

A

მარტო ხარ და ყველაფერი მიყვება სხივებს
ნაცრისფერი და ლურჯი ქვები ჯიბეებში
ნეტა მენახე იქამდე, სანამ გაყევი წყლის გზებს.
იყავი მხლოდ ოცდაორის.
შენში იყო ყველაფერი და მეტი.
ყოველ შემთხვევაში, ჩემთვის.

შენ ხედავ ფიქრებს
შენში არის დამატებითი ხაზი
გადატეხილი ხიდი
ფერის ყველაზე უცნაური შეგრძნება
შუაში გახლეჩილი ჩუმი აფეთქება.
და შენკენ მომავალი ჭყაპუნა კვალი.

ვეღარ იფხიზლე
თვალები დახუჭე ნელა
ღრმად ჩაყვინთე
და სხვა სამყაროსკენ მიმართე მზერა.