დღეს ყველა მოკვდა
როგორ ვერ ხედავ?
კისერს გავღუნავ
მარჯვნივ და მარცხნივ
ყოველ მეშვიდე თვალს ამოვტეხავ
შენი გვირგვინი მიცურავს ჟანგში.
ყოველი ორმო არის ხაფანგი
შემეძლო შენთვის არასდროს მეთქვა
რომ ვატრიალე მორევი ჭაში
რომ ჩემი ტვინი მიცურავს ცაში
და სანამ გაყინულ საბანში მეძინა
მელია უძირო სოროში ჩახტა.
არ ვარ
და შენ ბრმა ხარ თუ მხედავ
ვინ ვარ თუ არა ბრტყელი ღამურა
ფეხებით კიდია და წვეთ-წვეთობით
ჩაიღვენთება გული ცხრაკუთხად.
