999

სული მადნება სხეულზე
სიჩუმე ყოველთვის მღლიდა
შენ მიმითითებ სიკვდილზე
მე კი სიცოცხლე მინდა

რამდენი რამე მოვიდა
კიდევ რამდენი დარჩა
ხელი კედლებსაც გაარღვევს
თუ სხეულიდან გავა

Nails

რაღაც მჭირს, ვიცი, და მე ეს ყოველთვის ვიცოდი
მაგრამ, დღეს განსაკუთრებით ვიცი
როგორ მიდიხარ გავლით
ნახევრად ხედავ ყველაფერს
როგორ მჭირს ვიღაც და თან ვარ ძალიან ზედაპირული
არადა, როგორ ქვემოთ მივდიოდი
როცა მინდოდა და არ მინდოდა.
მე მეშინია სიღრმის ჩემში
მაგრამ, მაგისთვის არ ვარ გაჩენილი
როგორც პეპელა ყინულის მთებში
გვერდს მე აგივლი.
როგორც სიკვდილი დაღებულ ყბებში
როგორც სიმღერა, რომელიც აღარ იმღერება
რადგან, ვიღაცას მისი ჩაწერა დაავიწყდა
და გაქრა.

9

fuck the day
fuck the night
crystal star is shining bright

i tried to stay
i tried to laugh
i'll stomp on everything
and leave it behind

woof

საკუთარ თავში შევძვრები და დავიგორგლები და დავიგორგლები
გარეთ ყოველთვის დადიან უაზრო, ჩემთვის სულ ერთი, შავი ლანდები
შავი ლანდები პირებს აღებენ და ზედ მანთხევენ მოშავო მელანს
და, შემდეგ, ვითომც აქ არაფერი, მისრიალებენ შორს
 და მე მტეხავს

გარემო რომელშიც არასდროს ვჯდები
სიტყვები რომელთაც ვერასდროს ვწვდები
ღიმილი, რომელსაც, ყოველთვის ვხვდები,
როდის, რამდენი ბზარი უჩნდება.

გამოდი როგორც კი ოქროდ იქცევი
მანამდე საკუთარ თავში იყურე.
საკუთარ თავში
 იკვეცე, იკეცე, იხოხე, იყვირე და
ზოგჯერ,
ხანდახან,
 კიდეც
 იყმუვლე.